ບົດທີ 1
ຄວາມຮູ້ທັ່ວໄປກ່ຽວກັບງານວິໄຈ
ຄວາມນຳ
ໃນປະຈຸບັນການວິໄຈມີຄວາມສຳຄັນຢ່າງຫລາຍ ສຳລັບລັບຄວາມຈະເລີນກ້າວໜ້າໃນທຸກໆ
ສາດ ເພາະສາມາດນຳເອົາການວິໄຈມາໃຊ້ໃນການຕັດສິນໃຈແກ້ບັນຫາຕ່າງໆ ທີ່ເກິດຂື້ນ ໃນ ຂະນະດຽວກັນການພັດທະນາຄວາມຮູ້ໃນສາຂາວິຊາຕ່າງ ໆ ເປັນໄປຢ່າງວ່ອງໄວທັງນີ້ເພາະເນື່ອງຈາກມີ ການວິໄຈ ປະກອບທັງບັນຫາທາງທຸລະກິດໃນປະຈຸບັນມີຄວາມສະລັບຊັບຊ້ອນ ມີຄວາມສ່ຽງໃນການ
ດໍາເນີນງານຫລາຍຂຶ້ນ ດັ່ງນັ້ນ, ເພື່ອໃຫ້ອົງກອນມີຄວາມຈະເລີນກ້າວໜ້າຫລືເພື່ອການຢູ່ລອດຜູ້ບໍລິຫານ
ຈໍາເປັນຕ້ອງມີຄວາມຮູ້ (Knowledge) ຄວາມເຂົ້າໃຈ
(Understanding) ແລະ ປະສົບການ (Experience) ໃນ ການດໍາເນີນທຸລະກິດ ການວິໄຈຈຶ່ງເປັນກິດຈະກຳທີ່ຜູ້ບໍລິຫານນຳໄປໃຊ້ໃນການປະເມີນສະຖານນະການ ແລະ ນຳໄປໃຊ້ເປັນເຄື່ອງມືສຳລັບຊ່ວຍໃນການຕັດສິນໃຈທາງດ້ານທຸລະກິດໃນທຸກຂັ້ນຕອນ
ໃຫ້ບັນລຸ ວັດຖຸປະສົງ ແລະ ມີປະສິດທິພາບ ຫລາຍຫຍິ່ງຂຶ້ນ
ຄວາມຫມາຍຂອງການວິໄຈ
ການວິໄຈນັ້ນມີຜູ້ໃຫ້ຄຳຈໍາກັດຄວາມແຕກຕ່າງກັນອອກໄປ ທັງນີ້ຂຶ້ນຢູ່ກັບວັດຖຸປະສົງຂອງ
ການວິໄຈ ສ່ວນໃຫຍ່ແລ້ວນັກວິໄຈຈະມີຄວາມເຫັນສອດຄ່ອງກັນໃນເລື່ອງຂອງວິທີການ
ຫລື ຂະບວນການ ຂອງການວິໄຈ ດັ່ງນີ້
ທີ່ປະຊຸມຂອງ Pan Pacific Science Congress ຄ.ສ. 1960 ທີ່ ປະເທດສະຫະລັດ ອາເມລິກາ ໄດ້ແຍກຄວາມຫມາຍຂອງຄຳວ່າ “Research” ຫລື “ການວິໄຈ” ໄວ້ດັ່ງນີ້
R = Recruitment & Relationship ໝາຍເຖິງການຝຶກຄົນໃຫ້ມີຄວາມຮູ້ ລວບລວມຄົົນທີ່ມີ ຄວາມຮູ້ມາປະຕິບັດງານຮ່ວມກັນ ຕິດຕໍ່ສຳພັນ ແລະ
ປະສານງານກັນ
E = Education & Efficiency ຜູ້ບ່ອນເຮັດວຽກສຶກສາວິໄຈ ຕ້ອງມີການສຶກສາອົບຮົມ ມີຄວາມຮູ້
ມີສະມັດຕະພາບສູງໃນການວິໄຈ
S = Science & Stimulation ເປັນສາດທີ່ພິສູດເພື່ອຄົ້ນຄວ້າຫາຄວາມຈິງ ຜູ້ວິໄຈ ຈະຕ້ອງມີພະລັງກະຕຸ້ນໃນຄວາມຄິດລິເລິ່ມ ຂະຕືຣືຣົ້ນທີ່ຈະກໍ່ການວິໄຈຕໍ່ໄປ
E = Evaluation & Environment ຜູ້ວິໄຈຕ້ອງຮູ້ຈັກການປະເມີນຜົນວ່າມີປະໂຫຍດ
ສົມຄວນທີ່ຈະເຮັດວິໄຈ ຫລື ບໍ່ ແລະ ຕ້ອງຮູ້ຈັກໃຊ້ເຄື່ອງມື ແລະ ອຸປະກອນຕ່າງໆ ມາຊ່ວຍໃນການວິໄຈໃຫ້ ເໝາະສົມກັບສະພາວະແວດລ້ອມ
A = Aim & Attitude ມີຈຸດມຸ້ງໝາຍຫລື ມີເປົ້າໝາຍທີ່ແນ່ນອນ ມີທັດນະຄະຕິທີ່ຈະຕ້ອງ
ຕິດຕາມຜົນຂອງການວິໄຈ
R = Result ຜົນການວິໄຈທີ່ອອກມາບໍ່ວ່າຈະເປັນຜົນໃນທາງໃດກໍຕາມຈະຕ້ອງຍອມຮັບຜົນຂອງການວິໄຈນັ້ນຢ່າງດຸດດີ ເພາະເປັນຜົນທີ່ໄດ້ມາຈາກການສຶກສາຄົ້ນຄວ້າຢ່າງມີລະບົບ
C = Curiosity ຜູ້ວິໄຈຈະຕ້ອງມີຄວາມຢາກຮູ້ຢາກເຫັນມີຄວາມສົນໃຈ ແລະ ຂວນຂວາຍໃນງານວິໄຈຕະຫລອດເວລາເຖິງວ່າຄວາມຢາກຮູ້ນັ້ນຈະເປັນພຽງນ້ອຍໆກໍຕາມ
H = Horizon ຜົນການວິໄຈທີ່ປາກົດອອກມາຈະເຮັດໃຫ້ຮູ້ ແລະ ເຂົ້າໃຈບັນຫາເຫຼົ່ານັ້ນໄດ້ ເໝືອນເກີດແສງສະຫວ່າງຂຶ້ນ ຖ້າຍັງບໍ່ເກີດແສງສະຫວ່າງຜູ້ວິໄຈຕ້ອງດໍາເນີນງານຕໍ່ໄປຈົນກວ່າຈະໄດ້ພົບແສງ
ສະຫວ່າງ ແສງສະຫວ່າງດັ່ງກ່າວໃນທາງສັງຄົມໝາຍເຖິງຜົນຂອງການວິໄຈຈະກໍ່ໃຫ້ເກີດສັນຕິສຸກຂຶ້ນໃນສັງຄົມ
ສະພາວິໄຈແຫ່ງຊາດ ໄດ້ໃຫ້ຄຳນິຍາມຂອງການວິໄຈໄວ້ວ່າ “ຄືການສຶກສາຄົ້ນຄວ້າທີ່ມີລະບົບ
ແລະ ແຜນການ ເພື່ອໃຫ້ໄດ້ມາ ຊຶ່ງຄວາມຮູ້ທາງສັງຄົມສາດ
ແລະ ມະນຸດສາດ”
ພົດຈະນານຸກົມໄທສະບັບຣາດບັນດິດຖານ ພ.ສ. 2525 ໄດ້ໃຫ້ຄວາມຫມາຍຂອງການວິໄຈໄວ້ ວ່າເປັນ “ການຄົ້ນຄວ້າເພື່ອຫາຂໍ້ມູນຢ່າງຖີ່ຖ້ວນຕາມຫຼັກວິຊາ”
ນອກຈາກນັ້ນຍັງມີຜູ້ໃຫ້ຄຳນິຍາມການວິໄຈໄວ້ອີກວ່າ
ການວິໄຈ “ຄືຂະບວນການໃນການຄົ້ນຄວ້າຫາຄວາມຈິງ
ເພື່ອທີ່ຈະນຳມາຊ່ວຍໃນ ການແກ້ບັນຫາ ຫລືຕັ ດສິນໃຈຢ່າງມີປະສິດທິພາບ”
ການວິໄຈ “ໝາຍເຖິງຂະບວນການຕ່າງໆທີ່ດໍາເນີນການເກັບຣວບລວບລວມຂໍ້ມູນ ມີ
ການວິເຄາະແລະຕີຄວາມຫມາຍຂໍ້ມູນຢ່າງມີລະບົບ ແລະ ມີວັດຖຸປະສົງທີ່ແນ່ນອນ ເພື່ອໃຫ້ໄດ້ມາຊຶ່ງ ຄຳຕອບທີ່ຖືກຕ້ອງກັບບັນຫາ
ຫລື ຄຳຖາມທີ່ໄດ້ຕັ້ງໄວ້”
ການວິໄຈ “ຄືວິທີການສຶກສາຄົ້ນຄວ້າຢ່າງມີລະບຽບແລະຄວາມ
ມຸ້ງໝາຍຢ່າງ ແນ່ນອນ ເພື່ອໃຫ້ໄດ້ມາຊຶ່ງຄວາມຈິງຫລືຫຼັກການບາງຢ່າງ”
ສະຫຼຸບຄວາມຫມາຍຂອງການວິໄຈ
ຈາກລາຍລະອຽດທີ່ກ່າວໄວ້ຂ້າງຕົ້ນຈຶ່ງອາດສະຫຼຸບຄວາມຫມາຍຂອງການວິໄຈໄດ້ ດັ່ງນີ້
“ການວິໄຈ ຄືຂະບວນການສຶກສາເພື່ອຄົ້ນຄວ້າຫາຂໍ້ເທັດຈິງຫລືຄຳຕອບຂອງບັນຫາ
ດ້ວຍວິທີການຄົ້ນຄວ້າລວບລວມຂໍ້ມູນ ຫລື ເຮັດການທົດລອງຢ່າງມີລະບົບ
ເພື່ອໃຫ້ໄດ້ຜົນຂອງການ ວິໄຈຢ່າງມີປະສິດທິພາບ”
ສາເຫດທີ່ເກີດການວິໄຈ
ການວິໄຈຈະເຂົ້າໄປມີບົດບາດໃນສະຖານນະການດັ່ງຕໍ່ໄປນີ້ຄື
1. ບັນຫາທີ່ຜູ້ບໍລິຫານຕ້ອງຕັດສິນໃຈ
ບັນຫາທີ່ຜູ້ບໍລິຫານພົບຢູ່ເປັນເລື່ອງຍາກທີ່ຈະລະບຸ
ຫລືກຳນົດໃຫ້ຊັດເຈນອອກມາ ເພາະ ບັນຫາທີ່ເກິດຂື້ນຫລືສິ່ງທີ່ເຮັດໃຫ້ຜູ້ບໍລິຫານເຫັນ
ອາດເປັນພຽງສັນຍານະ (Signal) ປາກົດການ (Phenomenon) ຫລື ອາການ (Symptom) ທີ່ຊີ້ໃຫ້ເຫັນເຖິງບັນຫາທີ່ເກິດຂື້ນ
2. ນຳການວິໄຈມາໃຊ້ດໍາເນີນການເພື່ອບຣົນລຸຜົນສຳເລັດ
(1) ການລາຍງານ (Reporting) ການລາຍງານເປັນວິທີຄົ້ນຫາ ແລະ ລວບລວມຂໍ້ມູນ ເບື້ອງຕົ້ນ ໂດຍວິເຄາະເຖິງສະຖານນະການທີ່ເກິດຂື້ນ
ແລະ ສະຫຼຸບຜົນອອກມາ ການລາຍງານເປັນການບັນລະຍາຍ ເຖິງຄວາມເຫັນຂອງສິ່ງທີ່ຄົ້ນພົບໃນລັກສະນະທັ່ວໆ
ໄປ
(2) ການບັນລະຍາຍ (Descriptive) ເປັນການຄົ້ນຫາຄຳຕອບສຳລັບຄຳຖາມ ຫລື ເລື່ອງ ທີ່ເກິດຂື້ນນີ້ມີສ່ວນກ່ຽວຂ້ອງກັບ
- ໃຜ (Who)
- ຫຍັງ (What)
- ເມື່ອໄດ (When)
- ທີ່ໃດ (Where)
- ແນວໃດ (How)
ປົກກະຕິການວິໄຈດ້ວຍວິທີບັນລະຍາຍນິຍົມໃຊ້ກັນຫລາຍໃນທາງທຸລະກິດ ເພາະສາມາດນຳໄປໃຊ້ໄດ້ ຫຼາຍສະຖານນະການ ເຊັ່ນ ການວາງແຜນ ການສະຫຼຸບຜົນ ການປະເມີນຜົນ ເປັນຕົ້ນ
(3) ການອະທິບາຍ (Explanatory) ເປັນການສຶກສາລັກຊະນະອະທິບາຍເປັນການສຶກສາທີ່ຕ່າງ ການບັນລະຍາຍ ເພາະຕ້ອງການອະທິບາຍເຖິງເລື່ອງລາວຫລື
ສາເຫດທີ່ເກິດຂື້ນ(Phenomenon) ເປັນການ ບັນລະຍາຍຫລື ໃຫ້ຄວາມເຫັນຂອງສິ່ງທີ່ຄົ້ນພົບໃນລັກສະນະທັ່ວ ໆ ໄປ
(4) ການພະຍາກອນ (Predictive) ເມື່ອການວິໄຈສາມາດໃຫ້ຂໍ້ມູນຫລື ອະທິບາຍເຖິງ ສາເຫດໄປຈົນເຖິງຈົນຜົນທີ່ເກິດຂື້ນແລ້ວ ນັກວິໄຈກໍຈະສາມາດພະຍາກອນວ່າເມື່ອໃດ
ແລະ ສະຖານນະການຫຍັງທີ່ ຈະເກີດເຫດການດັ່ງກ່າວຂຶ້ນ
ຄວາມຈໍາເປັນທີ່ຕ້ອງກໍ່ການວິໄຈ
ປະຈຸບັນຄວາມຮູ້ໃນສາຂາວິຊາຕ່າງ ໆ ທັງຫມົດທັງດ້ານທຸລະກິດໄດ້ພັດທະນາກ້າວໜ້າໄປຢ່າງວ່ອງໄວ ຕະຫຼາດຜູ້ບໍລິໂພກມີຄວາມສະລັບຊັບຊ້ອນຫລາຍຂຶ້ນ ການແຂ່ງຂັນເພີ່ມຄວາມຮຸນແຮງຫລາຍຂຶ້ນ ດັ່ງນັ້ນເພື່ອເປັນ
ການສຶກສາຊ່ອງທາງການຈັດຈໍາໜ່າຍ ແລະ ເພື່ອໃຊ້ເປັນເຄື່ອງມືທີ່ຊ່ວຍໃນການຕັດສິນໃຈ ຜູ້ບໍລິຫານຈຶ່ງ
ຄວນທີ່ຈະມີຄວາມຮູ້ກ່ຽວກັບລະບຽບວິທີວິໄຈເພື່ອໃຫ້ຮູ້ເຖິງຂັ້ນຕອນໃນການເຮັດວິໄຈ ເພື່ອນຳໄປໃຊ້ ປະເມີນຄຸນນະພາບຂອງການວິໄຈຫລືເພື່ອນຳໄປໃຊ້ໃນປະກອບການຕັດສິນໃຈ
ເຄື່ອງມືໃນການຕັດສິນໃຈ
ປະຈຸບັນເປັນທີ່ຍອມຮັບ ໂດຍທັ່ວໄປວ່າການວິໄຈ
ເປັນເຄື່ອງມືທີ່ສຳຄັນຂອງນັກບໍລິຫານ ສຳລັບຊ່ວຍໃນການຕັດສິນໃຈໄດ້ຢ່າງຖືກຕ້ອງ
ແລະ ສົມບູນຫຍິ່ງຂຶ້ນ ແນວໄດກໍຕາມການວິໄຈກໍບໍ່ສາມາດ ແກ້ບັນຫາໄດ້ສະເໝີໄປ ເພາະນອກເໜືອຈາກງານວິໄຈແລ້ວນັກບໍລິຫານຈໍາເປັນຈະຕ້ອງອາໄສສິ່ງ ຕໍ່ໄປນີ້ເພື່ອຊ່ວຍໃນການຕັດສິນໃຈດ້ວຍ
ຄື
1. ຄວາມຮູ້ ໝາຍເຖິງ ການຮູ້ຈັກໃຊ້ຂໍ້ມູນທີ່ໄດ້ມາໃຫ້ມີປະໂຫຍດຕໍ່ການຕັດສິນໃຈ ໂດຍ ຄວາມຮູ້ນັ້ນອາດໄດ້ມາຈາກການຮຽນຮູ້ ການວິໄຈ ການຝຶກອົບຮົມ ເປັນຕົ້ນ
2. ປະສົບການ ຜູ້ທີ່ມີປະສົບການຫລືເຄີຍເຮັດວຽກມາກ່ອນ
ຈະຮູ້ຈັກການປັບຕົນໃຫ້ ເຂົ້າກັບສະຖານນະການ ເພາະຜູ້ທີ່ມີປະສົບການຈະມີຄວາມສາມາດໃນການເກັບລວບລວມຂໍ້ມູນ ການ ແປຄວາມຫມາຍ ແລະ ການວິເຄາະຂໍ້ມູນວ່າຄວນຈະໃຊ້ເມື່ອໃດ ຊຶ່ງສິ່ງຕ່າງໆ
ເຫຼ່ານີ້ຈະຮຽນຮູ້ໄດ້ຈາກ ປະສົບການທີ່ມີມາໃນອະດີດ
ວັດຖຸປະສົງໃນການວິໄຈ
ໃນການດໍາເນີນການວິໄຈຈະຕ້ອງມີຄວາມຕ້ອງການ
ຫລື ມີວັດຖຸປະສົງໃນການວິໄຈຊຶ່ງສາມາດ ສະຫຼຸບວັດຖຸປະສົງຂອງການວິໄຈອອກມາໄດ້ດັ່ງນີ້ ຄື
1. ເພື່ອເປັນການສຶກສາສ້າງຄວາມຮູ້ຫລືທິດສະດີໃໝ່ໆ ທີ່ຈະນຳໄປໃຊ້ໃຫ້ເກີດປະໂຫຍດໃນ
ດ້ານວິຊາການ
2. ເພື່ອສ້າງສິ່ງປະດິດຫລືເທັກໂນໂລຢີໃໝ່ໆ ເຮັດໃຫ້ເກີດຄວາມຈະເລີນກ້າວໜ້າທາງດ້ານ
ອຸປະກອນໄປຈົນເຖິງເຄື່ອງມືຕ່າງ ໆ ທີ່ຈະຊ່ວຍເຮັດໃຫ້ຄຸນນະພາບຂອງຊີວິດດີຂຶ້ນ
3. ເພື່ອນຳຜົນທີ່ໄດ້ຮັບຈາກການສຶກສາວິໄຈໄປປະຍຸກໃຊ້ ໃຫ້ເປັນປະໂຫຍດຕໍ່ການ ດໍາລົງຊີວິດຂອງມະນຸດ
ທັງທາງກົງຫລື ໂດຍທາງອ້ອມ
4. ເພື່ອຊ່ວຍໃຫ້ຜູ້ບໍລິຫານສາມາດຕັດສິນໃຈໄດ້ຢ່າງຖືກຕ້ອງສົມບູນຫຍິ່ງຂຶ້ນ ໃນເລື່ອງ ການ ດໍາເນີນງານ
ການພະຍາກອນ ການວິເຄາະແນວໂນ້ມ ການຄວບຄຸມ ແລະ
ການ ແກ້ໄຂບັນຫາໄດ້ຢ່າງມີ ປະສິດທິພາບ
ປະໂຫຍດຂອງການວິໄຈ
ອາດກ່າວໄດ້ວ່າການວິໄຈເປັນການສຶກສາເພື່ອຫາຄວາມຮູ້ຫລືຂໍ້ເທັດຈິງໃນສາຂາວິຊາຕ່າງໆ ໂດຍມີວັດຖຸປະສົງທີ່ຈະນຳເອົາຄວາມຮູ້
ຫລື ວິທະຍາການນັ້ນໄປໃຊ້ໃຫ້ເປັນປະໂຫຍດສຳລັບທຸລະກິດເກືອບ ທຸກປະເພດ
ຊຶ່ງອາດສະຫຼຸບປະໂຫຍດຂອງການວິໄຈໄດ້ດັ່ງນີ້
1. ຊ່ວຍໃຫ້ເກີດຄວາມຮູ້ໃໝ່ໆ
ການວິໄຈເປັນການເພີ່ມພູນວິທະຍາການໃຫ້ກວ້າງຂວາງຂຶ້ນ ເພື່ອໃຫ້ໄດ້ຄວາມຮູ້ໃໝ່ ຊ່ວຍໃຫ້ ໄດ້ຄວາມຮູ້ໃນສິ່ງທີ່ຍັງບໍ່ຮູ້ ສິ່ງທີ່ບອຮູ້ຢູ່ດ້ວຍແລ້ວກໍເຮັດໃຫ້ຮູ້
ແລະ ເຂົ້າໃຈດີຫຍິ່ງຂຶ້ນ ແລະ ນຳຄວາມຮູ້ເຫຼົ່ານັ້ນ ມາໃຊ້ເປັນປະໂຫຍດ ຕໍ່ໄປ
2. ຊ່ວຍແກ້ບັນຫາຢ່າງຖືກຕ້ອງແລະຍຸດຕິທຳ
ສັງຄົມຈະມີບັນຫາເກີດຂຶ້ນຢູ່ຕະຫລອດເວລາ
ຈຶ່ງຈໍາເປັນຕ້ອງມີການສຶກສາວິໄຈເພື່ອໃຫ້ຮູ້ ວ່າມີຫຍັງແດ່ທີ່ເປັນສາເຫດທີ່ເຮັດໃຫ້ເກີດບັນຫາ
ທັງນີ້ເພື່ອຈະໄດ້ຫາທາງແກ້ບັນຫາລວມທັງອຸປະສັກທີ່ ເກິດຂຶ້ນ
ໄດ້ຢ່າງຖືກຕ້ອງເໝາະສົມ ແລະ ຍຸດຕິທຳ
3. ຊ່ວຍໃນການກຳນົດນະໂຍບາຍແລະການວາງແຜນ
ໃນການກຳນົດນະໂຍບາຍ ແລະ ວາງແຜນໄດ້ຢ່າງຖືກຕ້ອງ ວ່ອງໄວ ແລະ ປະຫຍັດ ແລະ ອື່ນໆ ຜູ້ບໍລິຫານຈໍາເປັນຕ້ອງອາໄສຂໍ້ມູນ
ແລະ ຂໍ້ສະເໜີແນະຈາກນັກວິໄຈມາປະກອບການຕັດສິນໃຈທັງນີ້ເພື່ອຫຼຸດຜ່ອນຄວາມຜິດພາດທີ່ອາດເກີດຂຶ້ນ ແລະ ເພື່ອໃຊ້ກຳນົດນະໂຍບາຍໃນການປະຕິບັດງານຕໍ່ໄປ
4. ຊ່ວຍແກ້ບັນຫາໃນການປະຕິບັດງານ
ເມື່ອເກີດບັນຫາໃນການປະຕິບັດງານຂຶ້ນ ການວິໄຈສຶກສາຫາຂໍ້ແທ້ຈິງຈະສາມາດຊ່ວຍ ຫາຄຳຕອບມາໃຊ້ໃນການແກ້ບັນຫາໄດ້ຖືກຕ້ອງ ກົງຕໍ່ຄວາມເປັນຈິງຫລາຍຫຍິ່ງຂຶ້ນ ເປັນການແກ້ບັນຫາ ດ້ວຍເຫດຜົນຫລາຍກວ່າການໃຊ້ສາມັນສຳນຶກ
5. ຊ່ວຍເສີມສ້າງດ້ານບຸກຄະລິດລັກຊະນະ
ການວິໄຈຈະເປັນເຄື່ອງມືທີ່ຊ່ວຍໃຫ້ ນັກບໍລິຫານມີສະມັດທະນະໃນການພິຈາລະນາ
ສັ່ງການ ແລະ ຕັດສິນບັນຫາໄດ້ຢ່າງຖືກຕ້ອງຫຍິ່ງຂຶ້ນ
6. ຊ່ວຍນັກບໍລິຫານໃນການຕິດຕາມຜົນ
ການວິໄຈຈະຊ່ວຍໃຫ້ນັກບໍລິຫານຫລືນັກວິໄຈການ ສາມາດຕິດຕາມ ແລະ
ປະເມີນຜົນການ ປະຕິບັດງານຂອງຕົນໃຫ້ດີຫຍິ່ງຂຶ້ນ
7. ຊ່ວຍໃນການຝຶກໃຊ້ເຄື່ອງມື
ການວິໄຈຈະເປັນການຊ່ວຍຜູ້ປະຕິບັດງານ ຮູ້ຈັກຝຶກການໃຊ້ເຄື່ອງມືຢ່າງກວ້າງຂວາງຫລາຍ
ຂຶ້ນ
8. ຊ່ວຍໃຫ້ມີຜົນງານວິໄຈເພີ່ມຫລາຍຂຶ້ນ
ການນຳຜົນການວິໄຈເອົາໄປໃຊ້ໃຫ້ເປັນປະໂຫຍດໃນການບໍລິຫານເຮັດໃຫ້ເປັນການເພີ່ມຜົນງານວິໄຈຫລາຍຂຶ້ນເພາະຜົນງານວິໄຈຈະເຮັດໃຫ້ຮູ້ເຖິງຂໍ້ເທັດຈິງທີ່ສາມາດນຳມາບໍລິຫານ
ແລະ ພັດທະນາຕໍ່ໄປ
9. ຊ່ວຍໃຫ້ຮູ້ວ່າມີຜູ້ໃດເຮັດວິໄຈເລື່ອງຫຍັງໄວ້ດ້ວຍ
ເພື່ອຫຼີກລ້ຽງການວິໄຈຊ້ຳຊ້ອນກັນແຕ່ຖ້າເປັນການວິໄຈທີ່ມີໄລຍະເວລາຫ່າງກັນໃຊ້ ເທກນິກແຕກຕ່າງກັນ ແລະ ອື່ນໆ ກໍບໍ່ຖືວ່າເປັນການວິໄຈຊ້ຳຊ້ອນ
ລັກສະນະຂອງງານວິໄຈ (Natures of Research)
ງານວິໄຈເປັນການຫາຂໍ້ມູນຢ່າງມີລະບົບ ເພື່ອຊ່ວຍໃນການຕັດສິນໃຈໂດຍອາໄສຂະບວນການ ທີ່ເປັນວິທະຍາສາດດັ່ງນັ້ນລັກສະນະຂອງງານວິໄຈຈະຕ້ອງປະກອບດ້ວຍສິ່ງຕໍ່ໄປນີ້:
1. ມີຈຸດມຸ້ງໝາຍ (Purpose) ຕ້ອງມີຈຸດມຸ້ງໝາຍ ແລະ ລາຍລະອຽດທີ່ຊັດເຈນ
ມີຄວາມ ເປັນໄປໄດ້ ມີລາຍລະອຽດຢ່າງຊັດເຈນກຳນົດຂອບເຂດ ຂໍ້ຈໍາກັດ
ມີແຜນການປະຕິບັດ ໃຫ້ບັນລຸຕາມ ວັດຖຸປະສົງ
2. ການສັງເກດ (Observation) ງານວິໄຈຈະຕ້ອງມີການຕິດຕາມເບິ່ງຜົນງານວິໄຈ ມີການ
ສັງເກດເຖິງປາກົດການຕ່າງໆ ທີ່ເກິດຂື້ນຕະຫລອດເວລາ
3. ຈະຕ້ອງມີການຈັດໝວດໝູ່ (Classification) ການວິໄຈເປັນງານທີ່ມີລະບົບ ມີແບບມີ ແຜນ ມີການດໍາເນີນງານເປັນຂັ້ນຕອນ
ມີການຈັດເປັນພວກຫລືເປັນໝວດໝູ່ ເພື່ອໃຫ້ເປັນລະບຽບ ແລະ ສະດວກໃນການສຶກສາຄົ້ນຄວ້າ
4. ມີການວັດຜົນ (Measurement) ງານວິໄຈທີ່ໜ້າເຊື່ອຖືຈະຕ້ອງມີການວັດຜົນ
ແລະ ພິຈາລະນາຜົນຂອງປາກົດການເກີດຂຶ້ນວ່າເປັນແນວໄດ ເພາະຄວາມສຳຄັນຂອງການວິໄຈຢູ່ທີ່ການ ວັດຜົນ
ມີເຄື່ອງມືທີ່ໃຊ້ໃນການວັດຜົນທີ່ດີລວມເຖິງຮູ້ຈັກເລືອກໃຊ້ວິທີທີ່ເໝາະສົມໃນການວັດຜົນ
5. ມີການແປຄວາມຫມາຍ (Interpret and
Meaning) ຜູ້ວິໄຈຄວນຮູ້ຈັກທິດສະດີທີ່
ກ່ຽວຂ້ອງກັບການວິໄຈ ເພາະຈະຕ້ອງມີການແປຄວາມຫມາຍຂອງຂໍ້ມູນ ຫລື ປາກົດການທີ່ໃຊ້ວັດ ຮູ້ຈັກການວິເຄາະຂໍ້ມູນ
ແລະ ນຳມາໃຊ້ປະໂຫຍດ
6. ມີການສະຫຼຸບຜົນລົງຄຳເຫັນ (Concluding) ການວິໄຈຈະຕ້ອງມີການສະຫຼຸບຜົນ ຫລື ຫາຂໍ້ຍຸດຕິທີ່ຄາດວ່າຈະນຳໄປໃຊ້ໃຫ້ເປັນປະໂຫຍດໃຊ້ຂໍ້ມູນທີ່ເກັບລວບລວມໄວ້ມາຕີຄວາມດ້ວຍຄວາມເປັນ ກາງ ທ່ຽງກົງ ປາດສະຈາກອະຄະຕິ ສ້າງຄວາມເຊື່ອມັ່ນໃນງານວິໄຈມີການສະເໜີແນະເຖິງທາງເລືອກຕ່າງໆ
7. ສະແດງເຖິງປະສົບການຂອງຜູ້ວິໄຈ (Researcher’s
Experience reflected) ຄວາມເຊື່ອມັ່ນຂອງງານວິໄຈຂຶ້ນຢູ່ກັບ ປະສົບການ ຊື່ສຽງ
ໄປຈົນເຖິງຄຸນນະທຳຂອງຜູ້ວິໄຈ ງານວິໄຈຈຶ່ງຕ້ອງປະກອບດ້ວຍຂໍ້ມູນດ້ານຄຸນສົມບັດຂອງຜູ້ເຮັດວິໄຈດ້ວຍ ເພາະຜູ້ອ່ານງານວິໄຈຈະໃຊ້ ເປັນເຄື່ອງປະກອບໃນການພິຈາລະນາຄວາມເຊື່ອມັ່ນຂອງງານວິໄຈ
ລັກສະນະຂອງການວິໄຈທີ່ດີ
ການວິໄຈທີ່ດີຄວນມີລັກສະນະ ດັ່ງນີ້:
1. ກຳນົດວັດຖຸປະສົງໄວ້ຢ່າງຊັດເຈນ
2. ຂະບວນການວິໄຈຕ້ອງລະບຸໃຫ້ລະອຽດທຸກຂັ້ນຕອນ
3. ມີການອອກແບບວາງແຜນໄວ້ທັງໝົດ
4. ຈະຕ້ອງມີມາດຕະຖານ
ແລະ ມີຈັນຍາບັນ
5. ຂໍ້ຈໍາກັດຕ້ອງລະບຸໄວ້ຢ່າງເປີດເຜີຍ
6. ມີການວິເຄາະ
ເພື່ອການນຳໄປໃຊ້ໃນການຕັດສິນໃຈ
7. ການນຳສະເໜີຜົນງານວິໄຈຈະຕ້ອງຊັດເຈນ
8. ການສະຫຼຸບຕ້ອງມີເຫດຜົນສະໜັບສະໜູນ
9. ສະທ້ອນໃຫ້ເຫັນເຖິງປະສົບການຂອງຜູ້ວິໄຈ
ປະເພດຂອງການວິໄຈ (Types of Research)
ການວິໄຈແບ່ງອອກໄດ້ຫຼາຍປະເພດຂຶ້ນຢູ່ກັບວ່າຈະໃຊ້ຫຍັງເປັນເກນໃນການພິຈາລະນາ ການ ວິໄຈຈະແຍກປະເພດໂດຍເກນຕ່າງໆເຊັ່ນ:
1. ພິຈາລະນາຈາກຈຸດມຸ້ງໝາຍຂອງການວິໄຈ
(1) ການວິໄຈທາງວິທະຍາສາດ (Science Research) ເປັນການສຶກສາວິໄຈ ປາກົດການຂອງທຳມະຊາດທີ່ເກິດຂື້ນທັງສິ່ງທີ່ມີຊີວິດ
ແລະ ທີ່ບໍ່ມີຊີວິດ ເພື່ອປະດິດ ພັດທະນາ
ປັບປຸງ ຜະລິດຕະພັນໃຫ້ມີປະສິດທິພາບດີຫຼາຍຂຶ້ນ ສ່ວນຫລາຍເປັນການວິໄຈດ້ານວິຊາການ
ແລະ ການວິໄຈ ການຄົ້ນຄວ້າດທົດລອງ ການວິໄຈທາງວິທະຍາສາດ ແບ່ງອອກເປັນ 2
ຢ່າງຄື:
- ວິທະຍາສາດກາຍພາບ
(Physical Science) ເປັນການສຶກສາວິໄຈສິ່ງທີ່ບໍ່ມີ ຊີວິດ
- ວິທະຍາສາດຊີວະພາບ
(Biological Science) ເປັນການສຶກສາວິໄຈສິ່ງທີ່ມີ ຊີວິດ
ການວິໄຈທາງວິທະຍາສາດຈະຊ່ວຍເຮັດໃຫ້ມະນຸດສະຫລາດກວ່າສັດ ເພາະມະນຸດມີການຮຽນຮູ້ໄດ້ດີກວ່າສັດ ດັ່ງນັ້ນການວິໄຈທາງວິທະຍາສາດຈະສົ່ງຜົນເຮັດໃຫ້ມະນຸດມີຄວາມເປັນຢູ່ຢ່າງສຸກສະບາຍຂຶ້ນ ເຊັ່ນ ມີຖະໜົນ
ມີໄຟຟ້າ ໂທລະສັບ, ລົດ ແລະ ອື່ນ ໆ
(2) ການວິໄຈທາງສັງຄົມສາດ (Social Research) ເປັນການສຶກສາກ່ຽວກັບ ຄຸນລັກສະນະຂອງມະນຸດ
ສ່ວນໃຫຍ່ເປັນທາງດ້ານ ຄວາມຮູ້ສຶກ ແລະ ພຶດຕິກຳຕ່າງ ໆ ເຊັ່ນ ດ້ານ ການສຶກສາ ດ້ານທຸລະກິດ
ດ້ານການທ່ອງທ່ຽວແລະ ອື່ນ ໆ ອາດເວົ້າໄດ້ວ່າການວິໄຈທາງດ້ານສັງຄົມສາດ (Social Research) ເປັນການວິໄຈທີ່ກ່ຽວຂ້ອງກັບມະນຸດໂດຍກົງ ທັງດ້ານພຶດຕິກຳ
ຄວາມຮູ້ສຶກ ໄປຈົນເຖິງອິດທິພົນຂອງສິ່ງແວດລ້ອມ ທັງນີ້ໂດຍອາໄສຫຼັກ
ແລະ ວິທີການທາງວິທະຍາສາດມາໃຊ້ໃນການ
ວິໄຈເພື່ອໃຫ້ເກີດຄວາມຖືກຕ້ອງ ມີລະບຽບ ມີຂັ້ນຕອນ
ການວິໄຈທາງສັງຄົມສາດຈຶ່ງເປັນການວິໄຈທີ່ ກ່ຽວກັບພຶດຕິກຳຂອງມະນຸດ ໂດຍອາໄສຫຼັກວິຊາການທາງວິທະຍາສາດ
ການວິໄຈທາງສັງຄົມສາດຫາກໍ່ຈະເລິ່ມໃນສັດຕະວັດທີ 20 ໂດຍສຶກສາເຖິງພຶດຕິກຳ ຂອງມະນຸດ ຕະຫລອດຈົນສະພາບຂອງສັງຄົມ ເພາະສາເຫດເນື່ອງມາຈາກຄວາມຈະເລີນດ້ານອຸດສາຫະກຳມີ ຜົນເຮັດໃຫ້ການດໍາເນີນຊີວິດຂອງຄົນປ່ຽນແປງໄປ ການວິໄຈທາງສັງຄົມສາດຈະເຮັດໃຫ້ຮູ້ເຖິງ ຂໍ້ເທັດຈິງຂອງພຶດຕິກຳທີ່ເກິດຂື້ນວ່າເກີດຈາກສາເຫດໃດ
2. ພິຈາລະນາຈາກທີ່ມາຂອງຂໍ້ມູນ
(1) ການວິໄຈປະຖົມພູມ (Primary Research) ຄືຂໍ້ມູນທີ່ຜູ້ວິໄຈໄດ້ມາຈາກຕົ້ນກຳເນີດຂອງຂໍ້ມູນເພື່ອການວິໄຈໂດຍກົງເປັນຂໍ້ມູນທີ່ຫາດ້ວຍຕົນເອງຈາກພາກສະນາມ ຫລື ອາດໄດ້ມາ ຈາກການສຳພາດ ການທົດລອງ ການສັງເກດ ເປັນຕົ້ນ
(2) ການວິໄຈທຸຕິຍະພູມິ (Secondary Research)
ໝາຍເຖິງ ຂໍ້ມູນທີ່ຖືກບັນທຶກ
ເອົາໄວ້ກ່ອນໜ້ານີ້ ເປັນການສຶກສາໂດຍອາໄສຂໍ້ເທັດຈິງທີ່ມີຢູ່ໃນຮູບຂອງເອກະສານ ສິ່ງພິມ ຕຳລາ ແລະ ອື່ນ ໆ ຊຶ່ງບຸກຄົນອື່ນໄດ້ລວບລວມເອົາໄວ້ກ່ອນໜ້ານີ້
ລັກສະນະຂອງຂໍ້ມູນ
ຂໍ້ມູນທີ່ນຳມາໃຊ້ໃນການວິໄຈຄວນຈະມີລັກສະນະດັ່ງຕໍ່ໄປນີ້
ຄື
1) ເປັນວິທະຍາສາດ ໃຊ້ຫຼັກການທາງວິທະຍາສາດມາໃຊ້ໃນການດໍາເນີນການຈະບໍ່ໃຊ້ສາມັນສຳນຶກ
ຫລື ການລວບລວມຂໍ້ມູນທີ່ເປັນໄປຕາມບຸນຕາມກຳ
2) ມີຈຸດປະສົງ ຈະຕ້ອງມີວັດຖຸປະສົງຢ່າງຊັດເຈນ ບໍ່ມີອະຄະຕິຫລືໃຊ້ອາລົມ
3) ບໍ່ກ່ຽວກັບບຸກຄົນ ກ່າວຄືບໍ່ກ່ຽວຂ້ອງກັບຕົນບຸກຄົນ ຄວນເປັນຂໍ້ມູນ
ຫລື ລາຍລະອຽດຂອງງານວິໄຈທີ່ຕ້ອງການຮູ້
3. ພິຈາລະນາລັກສະນະຂອງຂໍ້ມູນ
ຄວາມແຕກຕ່າງຂອງການວິໄຈລັກຊະນະປະລິມານ (Quantitative Research) ແລະການວິໄຈລັກຊະນະ ຄຸນນະພາບ (Qualitative
Research) ອາດແບ່ງອອກໄດ້ດັ່ງນີ້
(1) ລັກສະນະຂອງຂໍ້ມູນ
ການວິໄຈລັກຊະນະຄຸນນະພາບ ເປັນການວິໄຈທີ່ຕ້ອງການສະແຫຼວງຫາຄວາມຮູ້ຈາກປາກົດການ ແລະ ສະພາບແວດລ້ອມທີ່ເປັນຈິງທຸກດ້ານ ເປັນການລວບລວມຂໍ້ມູນທີ່ອາໄສການບັນລະຍາຍໂດຍໃຊ້ເຫດຜົນ ແນວຄວາມຄິດ ໃຊ້ຫຼັກຄວາມເປັນຈິງ ເປັນການເກັບຂໍ້ມູນລັກຊະນະນາມທຳທີ່ກ່ຽວກັບມະນຸດ ເຊັ່ນ ຄວາມພໍໃຈ ທັດສະນະຄະຕິ
ຄ່ານິຍົມ ຄວາມຮູ້ສຶກ ແລະ ອື່ນ ໆ ສ່ວນໃຫຍ່ຈະເປັນການວິໄຈທາງມະນຸດວິທະຍາ
ຫລື ການ ວິໄຈປະເພດເຈາະເລິກ ເຊັ່ນ ການສຶກສາ ບົດບາດຂອງຜູ້ນຳທ່ຽວໃນ
ນະຄອນຫຼວງວຽງຈນ ເປັນຕົ້ນ ການ ວິໄຈລັກຊະນະຄຸນນະພາບຈະເປັນການນຳຂໍ້ມູນທີ່ມີຢູ່ທັງທີ່ເປັນຮູບທຳ
ແລະ ທີ່ເປັນນາມທຳມາປະມວນເຂົ້ານຳກັນ ເພື່ອການວິເຄາະ ແລະ ຕີຄວາມຫມາຍໂດຍນຳຂໍ້ມູນທີ່ເປັນນາມທຳ
ຫລື ຂໍ້ມູນທີ່ເປັນ ຄວາມຮູ້ສຶກ ຄວາມເຊື່ອ ທັດສະນະຄະຕິ
ວັດທະນະທຳ ອຸດົມການຕ່າງໆມາຮ່ວມວິເຄາະ ທັງນີ້ເພາະເຊື່ອວ່າ
ອົງປະກອບດ້ານຈິດໃຈ ແລະ ຄວາມຮູ້ສຶກນັ້ນຢູ່ເບື້ອງຫຼັງພຶດຕິກຳທີ່ມະນຸດສະແດງອອກ ຈຶ່ງຈໍາເປັນທີ່
ຈະຕ້ອງເຮັດຄວາມເຂົ້າໃຈຢ່າງຊັດເຈນເພື່ອໃຊ້ອະທິບາຍເຖິງປາກົດການຕ່າງ ໆ ທີ່ເກິດຂື້ນ
ການວິໄຈລັກຊະນະປະລິມານ ເປັນການວິໄຈປະເພດທີ່ມຸ້ງໃນດ້ານການຄົ້ນຄວ້າຫາຂໍ້ເທັດຈິງ ມີການລວບລວມຂໍ້ມູນລັກຊະນະປະລິມານທີ່ວັດໄດ້ເປັນຕົນເລກເພື່ອສະແດງຜົນສະໜັບສະໜູນໃຫ້ມີນ້ຳໜັກ
ເຊັ່ນ ຂໍ້ມູນກ່ຽວກັບ ເພດ ອາຍຸ ຈໍານວນນັກທ່ອງທ່ຽວ
ລາຄາຄ່ານຳທ່ຽວ ເປັນຕົ້ນ ໂດຍໃຊ້ວິທີທາງ ຄະນິດສາດ ແລະ ສະຖິຕິມາສະຫຼຸບຜົນ ຢືນຢັນຄວາມຖືກຕ້ອງຂອງສິ່ງທີ່ຄົ້ນພົບ
ຫລື ຂໍ້ສະຫຼຸບຕ່າງໆ ຂອງ ການສຶກສາ ການວິໄຈປະເພດນີ້ນິຍົມນຳໄປໃຊ້ກັບການວິໄຈດ້ານສັງຄົມສາດ
ແລະ ການສຶກສາ ເຊັ່ນ ການສຶກສາຜົນສຳເລັດຂອງການຝຶກອົບຮົມຜູ້ນຳທ່ຽວຂອງນັກສຶກສາສາຂາວິຊາການທ່ອງທ່ຽວ ວິທະຍາໄລ ບຸດວິເສດ ເປັນຕົ້ນ ການວິໄຈລັກຊະນະປະລິມານໃຫ້ຄວາມສຳຄັນຂອງຂໍ້ມູນລັກຊະນະປະລິມານທີ່ວັດ ໄດ້ ໂດຍໃຊ້ວິທີການທາງສະຖິຕິເຂົ້າມາຊ່ວຍໃນການວິເຄາະຂໍ້ມູນ ແລະ ທົດສອບຄວາມຖືກຕ້ອງຂອງ ສາລະສຳຄັນທີ່ຄົ້ນພົບ
(2) ຈຸດປະສົງ
ການວິໄຈລັກຊະນະຄຸນນະພາບ ໃຫ້ຄວາມສຳຄັນຕໍ່ອົງປະກອບຂອງມະນຸດ ທີ່ເປັນ ນາມມະທໍາ ຄວາມສຳພັນລະຫວ່າງລັກສະນະທີ່ເປັນນາມທຳ ກັບສິ່ງແວດລ້ອມ
ວັດຖຸປະສົງເພື່ອໃຫ້ ເຂົ້າໃຈຄວາມຫມາຍຂອງປາກົດການທີ່ເກິດຂື້ນ ແລະເພື່ອຫາຂໍ້ສະຫຼຸບໃໝ່ ໆ ຫລາຍກວ່າເພື່ອທີ່ຈະພິສູດ ສົມມຸດຖານເດີມ
ການວິໄຈລັກຊະນະປະລິມານ ມີວັດຖຸປະສົງເພື່ອຄົ້ນຫາສາເຫດ
ຂອງປາກົດການທີ່ ເກີດຂຶ້ນ ໂດຍອາໄສແນວຄວາມຄິດ ທິດສະດີ ຫລືສົມມຸດຖານເດີມມາກໍ່ການພິສູດຫລືກວດສອບການ ວິໄຈ
(3) ການເກັບລວບລວມຂໍ້ມູນ
ການວິໄຈລັກຊະນະຄຸນນະພາບ ຜູ້ວິໄຈຕ້ອງອອກໄປລົງໄກ້ຊິດ
ຫລື ສັມຜັດກັບແຫຼ່ງຂໍ້ມູນ ດ້ວຍຕົນເອງ ເຂົ້າໄປມີສ່ວນຮ່ວມ
ຫລື ສຳພາດແບບເຈາະເລິກ ເພື່ອເຮັດຄວາມເຂົ້າໃຈເຖິງຄວາມຫມາຍຫລື ປາກົດການທີ່ເກິດຂື້ນ ດັ່ງນັ້ນຕົວຂອງຜູ້ວິໄຈຈຶ່ງອາດຖືໄດ້ວ່າເປັນເຄື່ອງມືທີ່ສຳຄັນທີ່ສຸດສຳລັບການ
ເກັບລວບລວມຂໍ້ມູນເພາະຜູ້ວິໄຈຈະຕ້ອງໄດ້ຮັບການຝຶກອົບຮົມມາເປັນຢ່າງດີສາມາດເຂົ້າກັບຊຸມຊົນໄດ້ ການເກັບລວບລວມຂໍ້ມູນຈໍາເປັນຕ້ອງໃຊ້ເວລາດົນ
ແລະ ອາດເຮັດໄດ້ສະເພາະບາງສ່ວນຂອງພື້ນທີ່ເທົ່ານັ້ນ ບໍ່ສາມາດເກັບຂໍ້ມູນ
ຫລື ສຶກສາປະຊາກອນທັງໝົດໄດ້
ການວິໄຈລັກຊະນະປະລິມານ ຈະໃຊ້ເຄື່ອງມືໃນການເກັບລວບລວມຂໍ້ມູນ ເຊັ່ນ ແບບສອບ ຖາມ ເປັນຕົ້ນ ເຄື່ອງມືເຫຼົ່ານີ້ຄວນຜ່ານການທົດລອງໃຊ້
ແລະ ມີການນຳມາປັບປຸງແກ້ໄຂກ່ອນນຳໄປໃຊ້ ຈິງ ເພາະຂໍ້ມູນຈະຖືກຕ້ອງໜ້າເຊື່ອຖືຫລືບໍ່ນັ້ນຂຶ້ນກັບຄຸນນະພາບຂອງເຄື່ອງມື ສະນັ້ນ ຜູ້ວິໄຈຈະຕ້ອງ ສ້າງຄຳຖາມທີ່ສາມາດວັດຄ່າຂອງສິ່ງທີ່ຕ້ອງການສຶກສາອອກມາເປັນຕົນເລກໃຫ້ໄດ້ ການເກັບຂໍ້ມູນມັກຈະໃຊ້ເວລາບໍ່ດົນນັກ ແລະກໍ່ການວິໄຈບໍ່ຈໍາເປັນທີ່ຈະຕ້ອງເຂົ້າໄປຄລຸກຄລີຫລືເຂົ້າໄປມີສ່ວນຮ່ວມກັບ ຊຸມຊົນເທົ່າໃດ
(4) ການວິເຄາະຂໍ້ມູນ
ການວິໄຈລັກຊະນະຄຸນນະພາບ ມີການວິເຄາະ
ແລະ ສັງເຄາະຂໍ້ມູນເພື່ອໃຫ້ໄດ້ຄວາມ ໝາຍຂອງປາກົດການ ເຊື່ອມໂຍງຄວາມສຳພັນລະຫວ່າງປາກົດການທີ່ເກິດຂື້ນກັບສະພາບ ແວດລ້ອມ ການວິໄຈລັກຊະນະຄຸນນະພາບຈະນຳຂໍ້ມູນທັງທີ່ເປັນຮູບທຳ
ແລະ ນາມທຳມາປະມວນເຂົ້ານຳກັນ ເພື່ອໃຊ້ວິເຄາະ ແລະ ຕີຄວາມຫມາຍ ການວິເຄາະຂໍ້ມູນຈະຕ້ອງໃຊ້ຂໍ້ມູນທີ່ເປັນນາມທຳຫລືຂໍ້ມູນ ທີ່ເປັນຄວາມຮູ້ສຶກນຶກຄິດ
ເຊັ່ນ ຄວາມເຊື່ອ ທັດສະນະຄະຕິ ວັດທະນະທຳ ອຸດົມການ ແລະ ອື່ນ ໆ ມາໃຊ້ໃນການ ວິເຄາະດ້ວຍ ເພາະອົງປະກອບດ້ານຈິດໃຈ
ແລະ ຄວາມຮູ້ສຶກຕ່າງໆ ນັ້ນຢູ່ເບື້ອງຫຼັງພຶດຕິກຳທີ່ ມະນຸດສະແດງອອກມາ
ດັ່ງນັ້ນນັ ກວິໄຈຈຶ່ງຕ້ອງເຂົ້າໃຈເຖິງແງ່ມຸມຕ່າງ ໆ ຂອງບັນຫາເພື່ອຫາເຫດຜົນຫລື ຂໍ້ສະຫຼຸບມາອະທິບາຍປາກົດການທີ່ເກິດຂື້ນໂດຍບໍ່ຈໍາເປັນຕ້ອງໃຊ້ການວິເຄາະທາງສຖິຕິ
ການວິໄຈລັກຊະນະປະລິມານ ການວິເຄາະຂໍ້ມູນຕ້ອງອາໄສວິທີການທາງສຖິຕິມາອະທິບາຍ ປາກົດການ ຫລື ທົດສອບສົມມຸດຖານທີ່ຕັ້ງໄວ້ ຈະໃຫ້ຄວາມສຳຄັນສຳລັບຂໍ້ມູນລັກຊະນະປະລິມານທີ່ ສາມາດວັດໄດ້ໂດຍໃຊ້ວິທີທາງສຖິຕິເຂົ້າມາຊ່ວຍໃນການວິເຄາະຂໍ້ມູນ
ແລະ ທົດສອບຄວາມ
4. ພິຈາລະນາເຖິງຈຸດປະສົງ
(1) ການວິໄຈລັກຊະນະສຳຫຼວດ ຫລື ການວິໄຈເບື້ອງຕົ້ນ (Exploratory Research ຫລື Preliminary
Research ) ເປັນການສຳຫຼວດຄົ້ນຄວ້າເບື້ອງຕົ້ນ ເພື່ອເປັນແນວທາງໃນການຫາຄວາມ ຈິງ ຫລືເພື່ອສຶກສາບັນຫາໃດບັນຫາໜຶ່ງ ເປັນການວິໄຈທີ່ມີວັດຖຸປະສົງທີ່ຈະອະທິບາຍວ່າເປັນຫຍັງຫລື ເພາະເຫດໃດຈຶ່ງເກີດປາກົດການນັ້ນຂຶ້ນ ເຊັ່ນ ການສຶກສາປັດໄຈທີ່ມີອິດທິພົນຕໍ່ການທ່ອງທ່ຽວ ເປັນຕົ້ນ
(2) ການວິໄຈລັກຊະນະພັນນາ (Descriptive
Research) ເປັນການວິໄຈທີ່ມີວັດຖຸ ປະສົງພັນນາຫລືບັນລະຍາຍເຫດການທີ່ເກິດຂື້ນວ່າມີຄວາມສຳຄັນແນວໄດ ເຊັ່ນ: ການສຳຫຼວດ ທັດສະນະຄະຕິຂອງນັກທ່ອງທ່ຽວທີ່ມີຕໍ່ແຫຼ່ງທ່ອງທ່ຽວໃນນະຄອນຫຼວງວຽງຈັນ
ເປັນຕົ້ນ
(3) ການວິໄຈລັກຊະນະເຫດຜົນ (Causal Research) ເປັນການສຶກສາເພື່ອໃຊ້ອະທິບາຍບັນຫາ ຫລື ປາກົດການຕ່າງໆ ສາມາດນຳມາສະຫຼຸບເປັນທິດສະດີຕ່າງໆ ເພາະຫາເຫດຜົນ ແລະ
ທົດສອບ ຄວາມສຳພັນຕ່າງໆ ໄດ້ ການວິໄຈລັກຊະນະເຫດຜົນແຍກອອກເປັນ 2 ລັກສະນະ ຄື
- Deterministic Causation ລັກສະນະຂອງ Y = f (X) ກ່າວຄື Y ຈະຂຶ້ນກັບ f (X) ຊຶ່ງ X ເທົ່ານັ້ນທີ່ເຮັດໃຫ້ Y ມີການປ່ຽນແປງ
X ເປັນ Deterministic Causation ຫລື X ເປັນ Necessary and Sufficient Condition ຂອງ Y ໃນທາງທຸລະກິດຫາໄດ້ຍາກ ສ່ວນໃຫຍ່ຈະມີໃນດ້ານ
ວິທະຍາສາດເທົ່ານັ້ນ
- Probabilistic Causation ລັກສະນະຂອງ Y = f (X1, X2
,......... ,Xn ) ຊຶ່ງຖື ວ່າ X1 ເປັນ Necessary and Sufficient Condition ຂອງ Y ກ່າວຄື X1 ເປັນເງື່ອນໄຂຂອງ Y
ແຕ່ຍັງບໍ່ພຽງພໍຕ້ອງມີຕົນອື່ນໆ ອີກ ຄື X2, X3 ,......... ,Xn ມາດ້ວຍ ເຊັ່ນຄວາມເປັນຜູ້ຍິງນັ້ນຖື ໄດ້ວ່າເປັນ Necessary ຂອງຄວາມເປັນແມ່ ແຕ່ບໍ່ໄດ້ເປັນ Sufficient ຢ່າງເຕັມທີ່ ຕ້ອງມີສິ່ງອື່ນມາ ປະກອບອີກ ຈະຂຶ້ນຢູ່ກັບຄວາມສົມບູນ ແຕ່ງງານແລ້ວ ບໍ່ເປັນໝັນ ເປັນຕົ້ນ
5. ພິຈາລະນາຈາກປະໂຫຍດທີ່ໄດ້ຮັບ
(1) ການວິໄຈພື້ນຖານ ຫລື ການວິໄຈບໍລິສຸດ (Basic Research ຫລື Pure - Research) ເປັນ ການສຶກສາວິໄຈເພື່ອສ້າງທິດສະດີ ຄວາມຮູ້ ກົດເກນໃໝ່ໆ ຫລືເພື່ອໃຫ້ສາມາດອະທິບາຍເຖິງບັນຫາ ຫລືປາກົດການຕ່າງ ໆ ທີ່ເກິດຂື້ນໄດ້
(2) ການວິໄຈລັກຊະນະປະຢຸກຕ໌ (Applied Research) ເປັນການນຳຜົນຂອງການວິໄຈທີ່ໄດ້ ອອກມານີ້ໄປໃຊ້ໃຫ້ເປັນປະໂຫຍດໃນດ້ານອື່ນ ໆ ຕໍ່ໄປ
ສະຫຼຸບການວິໄຈ
ອາດສະຫຼຸບໄດ້ວ່າການວິໄຈມີປະໂຫຍດຕະຫລອດຈົນຄຸນລັກສະນະ ດັ່ງຕໍ່ໄປນີ້
ຄື
- ເປັນການສຶກສາຫາຄວາມຈິງຂອງບັນຫາ ດ້ວຍວິທີການທີ່ຖືກຕ້ອງໂດຍ
ອາໄສຫຼັກເກນ ຂັ້ນຕອນຕ່າງໆເພື່ອໃຫ້ໄດ້ຜົນຂອງການວິໄຈ
- ມີວັດຖຸປະສົງເພື່ອສ້າງຄວາມຮູ້
ຄວາມເຂົ້າໃຈ ຄົ້ນຄວ້າ ເຮັດໃຫ້ເກີດທິດສະດີໃໝ່ ໆ ເພື່ອໃຫ້ ຮູ້ຈັກການນຳມາໃຊ້ໃຫ້ເກີດປະໂຫຍດ
ຊ່ວຍຜູ້ບໍລິຫານຕັດສິນໃຈໄດ້ຢ່າງຖືກຕ້ອງ
- ເຮັດໃຫ້ເກີດປະໂຫຍດຕ່າງໆ
ເຊັ່ນ ໄດ້ຄວາມຮູ້ໃໝ່ໆ ຊ່ວຍແກ້ບັນຫາ
ຊ່ວຍຕັດສິນບັນຫາ ກຳນົດນະໂຍບາຍ ແລະວາງແຜນໄດ້ຢ່າງຖືກຕ້ອງວ່ອງໄວອີກ
- ນັກວິໄຈເປັນພຽງຜູ້ນຳສະເໜີຂໍ້ມູນ
ແລະ ຄວາມຄິດເຫັນເທົ່ານັ້ນ ສ່ວນການຕັດສິນໃຈປ່ອຍໃຫ້ເປັນຫນ້າທີ່ຂອງຜູ້ບໍລິຫານ
- ເພື່ອຊ່ວຍຜູ້ບໍລິຫານໃນການໃຊ້ຂໍ້ມູນຕັດສິນໃຈທີ່ດີ ເພາະຂໍ້ມູນທີ່ໄດ້ຮັບຈາກການວິໄຈທີ່ ທັນສະໄໝກົງກັນກັບຄວາມເປັນຈິງ
ຜູ້ບໍລິຫານສາມາດນຳໄປໃຊ້ໃນການຕັດສິນໃຈ
- ລັກສະນະຂອງງານວິໄຈ
ປະກອບໄປດ້ວຍລັກສະນະສຳຄັນ 5 ປະການ ຄື
1) ການສັງເກດ
2) ການຈັດໝວດໝູ່
3) ການວັດຜົນ/ການວິເຄາະ
4) ການແປຄວາມຫມາຍ
5) ການສະຫຼຸບຜົນ
- ການວິໄຈ ແບ່ງອອກເປັນຫຼາຍປະເພດ ຂຶ້ນຢູ່ກັບວ່າຈະໃຊ້ຫຍັງພິຈາລະນາ
ເຊັ່ນ ການວິໄຈ ທາງສັງຄົມສາດ ອາດແບ່ງອອກເປັນການວິໄຈລັກຊະນະສຳຫຼວດ ວິໄຈລັກຊະນະພັນນາ
ວິໄຈລັກຊະນະເຫດຜົນ ຫລື ພິຈາລະນາຈາກປະໂຫຍດທີ່ໄດ້ຮັບ ເປັນຕົ້ນ
ບົດບາດຂອງນັກວິໄຈ
ນັກວິໄຈຈະເປັນຜູ້ສະແຫຼວງຫາຂໍ້ມູນ
ແລະ ໃຊ້ຂະບວນການວິໄຈຊຶ່ງເປັນວິທີການທາງວິທະຍາສາດ ສຳລັບວິເຄາະ ແລະ
ແປຄວາມຫມາຍ ໂດຍນັກວິໄຈຈະເປັນຄົນໃຫ້ຂໍ້ມູນກັບຜູ້ບໍລິຫານເພື່ອໃຊ້ ປະກອບໃນການຕັດສິນໃຈດໍາເນີນທຸລະກິດໃຫ້ມີປະສິດທິພາບດີຫຍິ່ງຂຶ້ນ ດັ່ງນັ້ນຈຶ່ງອາດສະຫຼຸບບົດບາດຂອງ
ນັກວິໄຈໄດ້ ດັ່ງນີ້:
1. ເປັນຜູ້ສະແຫຼວງຫາຂໍ້ມູນຕະຫລອດຈົນຂໍ້ເທັດຈິງຕ່າງໆ ຢ່າງມີຫຼັກການ
2. ເປັນຜູ້ປ້ອນຂໍ້ມູນຕ່າງໆ ໃຫ້ກັບຝ່າຍບໍລິຫານ
3. ເປັນຜູ້ສະເໜີຄວາມຄິດເຫັນແລະແນວທາງຕ່າງໆ ໃຫ້ແກ່ຜູ້ບໍລິຫານເປັນຜູ້ ຕັດສິນໃຈ
4. ເຮັດຫນ້າທີ່ຄ້າຍກັບທີ່ປຶກສາຂອງຫນ່ວຍງານ
ຈະເຫັນໄດ້ວ່ານັກວິໄຈເປັນພຽງຜູ້ສະເໜີແນວທາງໃນການແກ້ບັນຫາໃຫ້ເທົ່ານັ້ນ ສຳລັບການ ຕັດສິນໃຈໃຫ້ເປັນຫນ້າທີ່ຂອງຜູ້ບໍລິຫານ
ຄຸນສົມບັດຂອງນັກວິໄຈ
ນັກວິໄຈຈະຕ້ອງມີຄຸນສົມບັດສຳຄັນບາງປະການ
ທີ່ຈະຊ່ວຍເຮັດໃຫ້ງານວິໄຈອອກມາຢ່າງມີ ປລະສິດທິພາບ ນັກວິໄຈຈຶ່ງຄວນມີຄຸນສົມບັດຕະຫລອດຈົນອົງປະກອບທີ່ສຳຄັນ
ອາດສະຫຼຸບໄດ້ ດັ່ງນີ້
1. ກ່ຽວກັບຕົນຂອງນັກວິໄຈ ນັກວິໄຈຄວນມີຄຸນສົມບັດ ດັ່ງນີ້
- ມີຄວາມຄິດລິເລິ່ມສ້າງສັນ
- ມີຄວາມສຸກກັບການເຮັດວຽກງານວິໄຈ
- ເຊື່ອມັ່ນໃນຄວາມຮູ້
ແລະ ຫຼັກວິຊາການ
- ມັກສັງເກດຄວາມລະອຽດອ້ອມຄອບ
2. ດ້ານອົງຄວາມຮູ້ ນັກວິໄຈຄວນຈະມີຄວາມຮູ້ ຄວາມສາມາດກ່ຽວກັບ
- ຄວາມສາມາດໃນການຄົ້ນຄວ້າຫາຄວາມຮູ້
- ມີຄວາມຮູ້ໃນເລື່ອງທີ່ຈະເຮັດວິໄຈ
- ຮູ້ຈັກເລືອກເຄື່ອງມືທີ່ໃຊ້ໃນການວິໄຈ
- ມີຄວາມຮູ້ຄວາມສາມາດໃນການວິເຄາະຂໍ້ມູນ
- ມີຄວາມຮູ້ຄວາມສາມາດໃນການຫາຂໍ້ມູນ
- ມີຄວາມຮູ້ຄວາມສາມາດໃນການຂຽນລາຍງານ
3. ດ້ານຖານະສ່ວນຕົນຂອງຜູ້ວິໄຈ ນັກວິໄຈຄວນເປັນບຸກຄົນທີ່ມີລັກສະນະ
ດັ່ງນີ້
- ກ້າຄິດກ້າເຮັດ
- ເປັນຄົນມີເຫດຜົນ ເປັນຕົນຂອງຕົນເອງ
- ຍອມຮັບໃນຄວາມຄິດຂອງຜູ້ອື່ນ
- ອ່ອນນ້ອມຖ່ອມຕົນ
- ຮູ້ຈັກໃຊ້ເຫດຜົນ
ແລະ ວິຈານນະຍານ
- ມີຄວາມຊື່ສັດ
- ມີຄວາມຮັບຜິດຊອບຕໍ່ສັງຄົມ
- ຮູ້ເຖິງສັກຢພາບຂອງຕົນເອງ
- ຮູ້ຈັກບັງຄັບຕົນເອງ
ຈັນຍາບັນນະຂອງນັກວິໄຈ (Ethics of Researchers)
ປະຈຸບັນງານວິໄຈໄດ້ຮັບຄວາມສົນໃຈຈາກວົງການຕ່າງໆ ຫລາຍຂຶ້ນ ໂດຍສະເພາະນັກວິຊາການ ແລະ ທຸລະກິດ
ເພື່ອທີ່ຈະນຳຜົນຂອງການວິໄຈໄປໃຊ້ແກ້ບັນຫາ ຕັດສິນໃຈ ຫລື
ເປັນແນວທາງໃນການວາງແຜນ ກຳນົດນະໂຍບາຍ ນັກວິໄຈຈຶ່ງນັບເປັນຜູ້ປະກອບອາຊີບອິດສະຫລະທີ່ຄວນມີຈັນຍາບັນຂອງນັກວິໄຈ
ເໝືອນວິຊາຊີບອື່ນ ເຊັ່ນ ແພດ ທະນາຍຄວາມ ເປັນຕົ້ນ ເພື່ອເປັນແນວທາງໃຫ້ນັກວິໄຈຈະໃຊ້ເປັນຫຼັກ ສຳລັບປະຕິບັດ ຈັນຍາບັນນະຂອງນັກວິໄຈຈະປະກອບດ້ວຍ ສິດທິ ຫນ້າທີ່ ຊຶ່ງອາດສະຫຼຸບໄດ້ດັ່ງນີ້
1. ມີຄວາມຮັບຜິດຊອບ (Responsibility) ນັກວິໄຈຕ້ອງມີຄວາມຮັບຜິດຊອບຕໍ່ງານທີ່ໄດ້ຮັບ
ມອບໝາຍໃຫ້ສຳເລັດຕາມວັດຖຸປະສົງທີ່ໄດ້ວາງໄວ້ ປະຕິບັດງານດ້ວຍຄວາມຖືກຕ້ອງ ມີຄວາມຮັບ
ຜິດ ມັກຕໍ່ງານທີ່ເຮັດໃຫ້ສຳເລັດ ມີຄວາມຊື່ສັດໃນເລື່ອງການເງີນ ແລະ ຊັບສິນ
ຕະຫລອດຈົນປະຕິບັດຕາມ ກົດຫມາຍ
2. ມີຄວາມຄິດລິເລິ່ມ (Initiative) ນັກວິໄຈຈະຕ້ອງເປັນຄົນຊ່າງສົງໄສ
ຊ່າງຄິດ ຊ່າງສັງເກດ ມີ ຄວາມຢາກຮູ້ຢາກເຫັນ ໂດຍຕັ້ງຄຳຖາມຕົນເອງວ່າເພາະເຫດໃດ ເປັນຫຍັງຈຶ່ງເປັນເຊັ່ນນັ້ນ
ການກະທຳ ດັ່ງກ່າວຈະຊ່ວຍໃຫ້ນັກວິໄຈມີຄວາມຄິດລິເລິ່ມ
3. ມີຄວາມຣູ້ຈິງ ມີຄວາມສະຫລາດໃນການມອງບັນຫາ (Research Scholars and to Find The Problem And Hypothesis) ນັກວິໄຈຕ້ອງມີຄວາມຮູ້ ມີສະຕິປັນຍາ ເບິ່ງເຫັນບັນຫາໄດ້ ຖືກຕ້ອງແລະວ່ອງໄວມີຄວາມເຂົ້າໃຈໃນເລື່ອງທີ່ຈະກໍ່ການວິໄຈ
ຮູ້ວ່າຫຍັງຄືບັນຫາຫລືຂໍ້ສະຫຼຸບຂອງການ ວິໄຈ
4. ບໍ່ມີອະຄະຕິ (Un bias) ນັກວິໄຈຕ້ອງບໍ່ເອົາຄວາມຮູ້ສຶກສ່ວນຕົນເຂົ້າໄປກ່ຽວຂ້ອງໃນການເຮັດ
ວິໄຈ ຕ້ອງມີຄວາມເປັນກາງ ມີຄວາມຍຸດຕິທຳ ມີເຫດມີຜົນທີ່ເປັນຕົນຂອງຕົນເອງ
ໂດຍນຳສະເໜີຂໍ້ມູນໃນ ການວິໄຈຢ່າງກົງໄປກົງມາ
5. ມີຄວາມອົດທົນ (Endurance) ການວິໄຈເປັນງານທີ່ຊ້ຳຊາກ ແລະ ຕ້ອງມີການແກ້ໄຂ ຂໍ້ບົກຜ່ອງຢູ່ຕະຫລອດເວລາ
ເຮັດໃຫ້ເສຍເວລາ ດັ່ງນັ້ນ ນັກວິໄຈຈະຕ້ອງມີຄວາມອົດທົນໃນການແກ້ບັນຫາ
ແລະອຸປະສັກຕ່າງ ໆ ເຊັ່ນ ການນັດໝາຍ ການຕິດຕໍ່ ການສຳພາດ ແລະ ອື່ນ ໆ ນັກວິໄຈຈຶ່ງຕ້ອງມີຄວາມ
ອົດທົນ ອົດກັ້ນ ຕ້ອງເຄົາລົບສິດທິຂອງຜູ້ຕອບແບບສອບຖາມ
ທີ່ຈະຕອບຄຳຖາມຫລືປະຕິເສດຄວາມ ຮ່ວມມືໃນການຕອບຄຳຖາມ
6. ກ້າຕັດສິນໃຈ (Effective Decision Making) ການວິໄຈຈະຕ້ອງພົບກັບບັນຫາຫລືອຸປະສັກໃນການປະຕິບັດງານຢູ່ຕະຫລອດເວລາ ນັກວິໄຈຕ້ອງກ້າທີ່ຈະຕັດສິນໃຈດໍາເນີນການກັບບັນຫາທີ່ເກິດຂື້ນ
7. ມີໃຈກວ້າງໃນການຮັບຟັງຄວາມຄິດເຫັນ ແລະ ຄຳຕິຊົມ (Broad Mind) ນັກວິໄຈຈະຕ້ອງໃຈ ກວ້າງພ້ອມທີ່ຈະຮັບຟັງຄວາມຄິດເຫັນ ຄຳວິຈານ ຄຳຕິຊົມຫລືຂໍ້ສະເໜີແນະ
ເພື່ອທີ່ຈະໄດ້ນຳຂໍ້ມູນ ເຫຼົ່ານັ້ນມາໃຊ້ເປັນແນວທາງປັບປຸງງານວິໄຈຕໍ່ໄປ
8. ມີມະນຸດສຳພັນດີ (Human Relations) ການວິໄຈຈໍາເປັນຕ້ອງຕິດຕໍ່ຂໍຄວາມຮ່ວມມື ກັບຄົນຫຼາຍລະດັບ
ຫຼາຍກຸ່ມ ຫຼາຍປະເພດ ນັກວິໄຈຈຶ່ງຕ້ອງມີມະນຸດສຳພັນທີ່ດີສາມາດເຂົ້າກັບ
ຄົນໄດ້ທຸກປະເພດ ທັງນີ້ເພາະງານວິໄຈຈໍາເປັນທີ່ຈະຕ້ອງໄດ້ຮັບຄວາມຮ່ວມມືຈາກຜູ້ອື່ນງານຈຶ່ງຈະ
ສໍາເລັດໄດ້ດ້ວຍດີ
9. ມີຄວາມຊື່ສັດສຸຈະລິດ ແລະ ກົງຕໍ່ເວລາ (Honesty and Punctuality)ນັກວິໄຈຕ້ອງ ຊື່ສັດຕໍ່ວິຊາຊີບ ຕໍ່ຜູ້ໃຊ້ບໍລິການ ຕ້ອງລາຍງານຜົນການວິໄຈຕາມຄວາມເປັນຈິງບໍ່ແຕ່ງເຕີມຂໍ້ມູນ
ແລະ ກົງຕໍ່ເວລາທີ່ໄດ້ກຳນົດໄວ້
10. ມີເທກນິກໃນການລ້ວງເອົາຄວາມຈິງ (Technique in Fact Finding) ນັກວິໄຈຕ້ອງມີ ຄວາມສາມາດມີຄວາມແນບນຽນໃນການຊັກຖາມຂໍ້ມູນ ເພື່ອທີ່ຈະໄດ້ຄຳຕອບທີ່ເປັນຄວາມລັບອອກມາ
11. ຮູ້ຈັກການຖືຮັກສາຄວາມລັບ (Confidential) ງານວິໄຈຈະຕ້ອງເຂົ້າໄປກ່ຽວຂ້ອງກັບສາລະ ຂໍ້ເທັດຈິງທີ່ບາງເທື່ອຖືເປັນຄວາມລັບບໍ່ສາມາດເປີດເຜີຍໄດ້
ນັກວິໄຈຕ້ອງເກັບຖື ຮັກສາຄວາມລັບໄດ້
ຕ້ອງຮູ້ວ່າຫຍັງເປັນເລື່ອງທີ່ເປີດເຜີຍໄດ້ ຫຍັງເປັນເລື່ອງຂອງຄວາມລັບ
12. ສາມາດບໍລິຫານງານວິໄຈ (Direct Research and
Administration) ນັກວິໄຈຕ້ອງ
ສາມາດດໍາເນີນການວິໄຈໄດ້ດ້ວຍຕົນເອງ ຫລືເປັນຜູ້ຄວບຄຸມງານວິໄຈໃຫ້ສຳເລັດລຸລ່ວງໄປດ້ວຍດີເພາະ ງານວິໄຈຈໍາເປັນຕ້ອງເຮັດວຽກຮ່ວມກັບຜູ້ອື່ນ ນັກວິໄຈຕ້ອງມີຄວາມສາມາດໃນການວາງແຜນດໍາເນີນງານ
ກໍານົດຂັ້ນຕອນການປະຕິບັດງານ ແລະ ຄວບຄຸມງານວິໄຈໄດ້
13. ສາມາດໃນການສ້າງເຄື່ອງມືເພື່ອໃຊ້ໃນການວິໄຈ (Research Tool Invention) ງານວິໄຈ ແຕ່ລະຊິ້ນຈະມີຄວາມແຕກຕ່າງກັນອອກໄປ ນັກວິໄຈຕ້ອງສາມາດສ້າງເຄື່ອງມືທີ່ໃຊ້ໃນການວິໄຈແຕ່ລະ
ເລື່ອງໃຫ້ເໝາະສົມດ້ວຍຕົນເອງ ຈະຊ່ວຍເຮັດໃຫ້ງານວິໄຈມີປະສິດທິພາບດີຂຶ້ນ
14. ຕ້ອງປະຫຢັດ (Advantaged Economy) ການວິໄຈຈໍາເປັນຕ້ອງໃຊ້ເງີນທຶນ ແຮງງານ ແລະ ຊັບພະຍາກອນດ້ານອື່ນ ໆ ການຮູ້ຈັກປະຫຍັດ ຈະຊ່ວຍໃຫ້ບໍ່ເກີດບັນຫາການຂາດເງີນ ຫລື ແຮງງານ ໂດຍທີ່ງານວິໄຈຍັງບໍ່ສຳເລັດ ນັກວິໄຈຈຶ່ງຕ້ອງໃຊ້ເງີນໃນການດໍາເນີນງານວິໄຈຢ່າງປະຫຍັດ
ຈະລິຍະທຳ (Ethics)
ໝາຍເຖິງຫຼັກເກນດ້ານສິນລະທຳ ຄ່ານິຍົມ
ຫຼັກການປະຕິບັດທີ່ກ່ຽວຂ້ອງກັບບຸກຄົນອື່ນທີ່ສັງຄົມ ເປັນຜູ້ກຳນົດຂຶ້ນ ເພາະນອກຈາກນັກວິໄຈຈະຕ້ອງມີຈັນຍາບັນນະຕາມທີ່ກ່າວມາແລ້ວຂ້າງຕົ້ນ ນັກວິໄຈຈະຕ້ອງມີ
“ຈາລິຍະທຳ” ໃນງານທີ່ເຮັດອີກດ້ວຍວ່າງານວິໄຈນັ້ນຜິດຈາລິຍະທຳ ຜິດກົດຫມາຍ ຫລື
ບໍ່ນັກວິໄຈຈະຕ້ອງມີຄວາມຮັບຜິດຊອບຕໍ່ສັງຄົມໂດຍຄຳນຶງຫຼັກການຕ່າງໆ ດັ່ງນີ້
1. ສິດທິສ່ວນບຸກຄົນ ການວິໄຈຈະຕ້ອງຄຳນຶງເຖິງສິດທິ ແລະ ເສລີພາບສ່ວນບຸກຄົນ ບໍ່ລ່ວງລະເມີດ ສິດທິສ່ວນບຸກຄົນ
2. ປະໂຫຍດທີ່ເພິ່ງໄດ້ ການວິໄຈທີ່ດີຈະຕ້ອງມີປະໂຫຍດຕໍ່ສັງຄົມໂດຍສ່ວນທັງຫມົດ
3. ມີຄວາມຍຸດຕິທຳ ການວິໄຈຈະຕ້ອງບໍ່ມີອະຄະຕິ ກ່າວຄືໃຫ້ຄວາມຍຸດຕິທຳກັບຜູ້ກ່ຽວຂ້ອງ ທຸກ ໆ ຝ່າຍ
4. ມີຄວາມຊື່ສັດ ຜູ້ດໍາເນີນການວິໄຈ ຜູ້ຕອບແບບສອບຖາມ ຫລື ຜູ້ກ່ຽວຂ້ອງ ຕ້ອງມີຄວາມ
ຊື່ສັດໃນການວິໄຈ
ความคิดเห็น
แสดงความคิดเห็น